نەینەوا.. کوشیان شوانیگ وە تەقیان بومبیگ لە جیماگەیل داعش

شەفەق نيوز/ سەرچەوەیگ ئەمنی لە نەینەوا، ئمڕوو جمعە، خەوەردا لە کوشیان شوانیگ لە ئەنجام تەقیان بومبیگ لە جیماگەیل ریخریاگ داعش لە پارێزگاگە.

سەرچەوەگە ئەرا ئاژانس شەفەق نیوز وت: قوربانیەگە وەرد پەسەیل پەسا شوانی کردیاد لە دووڵ ملوسی هەنار بومبیگ دانریاگ لە جیماگەیل ریخریاگ داعش تیرۆرست تەقیە پیەو، و وەکوتپڕ کوشتەی.

وتیش: تەرمەگە ئەرا پزشک دادوەری بریا ئەرا تەواوکردن ریکارەیل یاسایی.