نەینەوا.. هەردوگ پای گەنجیگ و تەقین بومبیگ بڕیەن
2021-04-21T08:08:32+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە تەقین بومبیگ دانریاگ لەبان گەنجیگ لە پارێزگای نەینەوا، ک بویە هووکار بڕین هەردوگ پای.
سەرچەوەگە ئەرا ئاژانس شەفەق نیوز وت: بومبیگ دانریاگ تەقیە بان گەنجیگ لە خەڵک ئاوای بتێشە لە ناوچەی کیسک لە خوەرئاوای مووسڵ.
و دیاری کرد ک بومبەگە لە دەورگرد ئاوایەگە تەقیە گەنجەگە، و بویە هووکار بڕین هەردوگ پای، و دیاری کرد م رەوش تەندروسی گەنجەگە خراوە.
