نەینەوا...داعش لە وەرانوەر سەرانە شوانیگ ئازاد کەێد، دوو کەسیش بی سەروشوین

شەفەق نیوز/ سەرچەوەیگ ئەمنی، ئمڕوو جومعە خەوەردا، رێکخریاگ داعش شوانیگ ئازادکردنە، ک لە چەن مانگ گوزەشتە وەگەرد کەسیگتر  رفانبوێنەیان لە نزیک کویەی مەخمور، باشوور شار موسڵ لە پارێزگای نەێنەوا. 

سەرچەوەگە وە ئاژانس شەفەق نیوز خەوەردا، " هەردگ رفیاگە شوان پەسن، یەکیگیان وەرجە مانگیگ ئازادکریا لە وەرانوەر بڕیگ پویل،  باوجی کەسوکاریان ئامادە نیین ئاشکەرای بکەن، و دەزگای ئاسایش زانیاری دیرێد لە هویردەکاری ئی باوەتە". 

دیاریکرد، " دوو رفیاگیش تا ئیسە چارەنوسیان نادیارە، هەردوگیان خەلک ناحیەی قیارەن، وەرجە مانگیگ وە لایەن رێکخریاگ داعش رفیانە، لە ری خاڵیگ درووکانی لە نزیک کویە مەخمور".