نەینەوا.. بەرزەوبوین ئامار تەقینەوەی کارخانەی شیرەمەنی ئەیا 8 کەس کە 4یان ژنن
2026-09-12T18:21:33+00:00
شەفەق نیوز ـ نەینەوا
سەرچەوەیگ لە فەرمانگەی تەندروسی نەینەوا، ئمڕوو شەممە، خەوەردا لە بەرزەوبوین ئامار تەقینەوەی دەزگای گەرمەوکردن ئاو لەناو کارخانەی شیرەمەنی لە لای راست شار موسڵ ئەرا 8 زەخمدار.
سەرچەوەگە وە ئاژانس شەفەق نیوز وت "کۆتا ئامار تەقیان ئاوگەرمەوکەر ( بۆیلەر ) ناو کارخانەی شیرەمەنی لە کویچەی زنجیلی خوەرئاوای موسڵ رەسیە 8زەخمدار کە 4 کەسیان ژنن دانشتگەیل ماڵەیل نزیک و دەوروگەرد شوین کارکردنەگەن".
وتیش؛"ماشینەیل فریاکەفتن گشت زەخمدارەیل ئەرا خەسەخانەی فریاکەفتن ئوم رەبیعەین کلکردنە ئەرا چارەسەرکردنیان و فریاکەفتن سەرەتایی" دووپاتکرد "بارودۆخ تەندروسیان جیگیرە هانە ژیر چەودێری پزیشکی وەردەوام".
