ژنیگ لە واست دویای مرافەیگ کوڕ شویەگەی کوشتیە

شەفەق نیوز/ دژە تاوان واست، ئمڕوو پەنجشەممە، ئاشکرای تاوانیگ کوشتن کرد، ک ژن باوگ قوربانیەگە جیوەجیی کردیە، لە یەکیگ لە ناوچەیل پارێزگاگە.

وەڕێەوبەرایەتی پۆلیس پارێزگای واست لە بەیاننامەیگ رەسیە ئاژانس شەفەق نیوز وت: تەقەلاییگ ئەمنی فرەیگ رەسیە ئاشکراکردن تاوان کوشتن نادیاریگ، دیاری کرد ک خانمە تاوانبار  (ك . م . ط ) ئەو کوڕ ناخاڵە کوشتیە ک کوڕ شویەگەی بویە، دویای مرافەیگ وەرد شویەگەی ئەو کوڕە تاسانیە.

پۆلیس واست دیاری کرد ک ئاشکراکردن بەڵگەیل وەگورەی راسیەگە دەرکەفت، و ئەو ژنە وەگورەی مادەی ٤٠٦ تاوانبار کریا.