ژنیگ لەناو جادەی شاریگ عراقی خوەی سزنێد
2022-02-26T14:26:44+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا ک ژنیگ لەناو شار بەعقوبە ناوەند پارێزگای دیالە ئاگر خوەی دا.
سەرچەوەگە ئەرا ئاژانس شەفەق نیوز وت: ژنیگ بانزین کردە بان لەش خوەی، و لەوەرچەو ریوارەیل ناوراس جادەچە لە کۆمەڵگەی تەحریر لە شار بەعقوبە خوەی سزان، ک بۊە هووکار مردنی.
سەرچەوەگە وتیش: هێزیگ ئەمنی رەسیە شۊنەگە، و تەرمەگە وەرەو پزشک دادوەری برد، و لێکۆلینەوە لە هۊردەکارەیل رۊداوەگە واز کرد.
