ژینگەی عراق وەفەرمی چوودە وەکارهاوردن وزەی خوەر

شەفەق نیوز/ وەزارەت ژینگە، ئمڕوو پەنجشەممە،  راگەیان عراق وەفەرمی چگە وەکارهاوردن وزەی خوەر.    

وەزارەتەگە لە بەیاننامەیگ رەسیە ئاژانس شەفەق نیوز وت: دەسەی ئەرکدار وە داناین رینمایل سپۆنسەرکردن سێستەمەیل بەرهەم کارەبای نوو ئەرا هاووڵاتییەیل و چالاکی پیشەسازی و ئابووری و بازرگانی و کشتوکاڵی لەلایەن بانک ناوەندی عراق بڕیار دا رینمایل دارایی لە سەرتای ئی ساڵە دانەێد.       

وتیش: بڕیارەگە وەهەماهەنگی فەرمانیەل دەوڵەتەگە هات ئەرا رۊیکردن وەرەو وەکارهاوردن سەرچەوەیل بەرهەم کارەبای نوو، ک وەزارەت ژینگە وەگەرد بانک ناوەندی عراق و دامەزراوەیلیگ تر لە دەوڵەتەگە دەسکردە هەڵمەت جیوەجیکردن پلان گونجیان نیشتمانی ئەرا رێککەفتن پاریس وەرانوەر ئاڵشتبۊیەیل کەشوهەوا.