نێچیرڤان بارزانی ئومید دەنگدان لەبان بوودجەگە دیرێد: رەفتار بەغداد وەگەرد هەولێر فیدڕالی نییە
بارزانی لە کۆنگرەیگ رۆژنامەوانی لە پاریس وت: دەستوور دیریمن ک گەل عراق دەنگ لەبانی داگە و عراق تا ئیسە وەگورەی سیستەم فیدڕالی وەگەرد هەرێم رەفتار نێکەێد، وتیش؛ ئی سیستمە لە گشت دەوڵەتەیل جهان هەس، باوجی شیوەی حکومڕانیەگە نووە لە عراق و ئیمە ئەوە زانیمن.
هەمیش وت: ئەوەگ ئیسە هەس ک ئیمە لە پەرلەمان کوردستان بایەدە واژوو بوودجەگە بکەیمن ئیجا رەوانەی بەغداد بکەیمن تا ئەوەیش واژووی بکەێد، و ئەیە شیوەی راسیگ نیە لە رەفتارکردن وەگەرد هەرێم یا لە سیستەم فیدڕالی، و باس لە ئومید خوەی کرد ک ئەو تەوەرە ک لە پڕۆژەی یاساگە لەبانی رێک کەفتن بخریەێدە ری.
سەرۆک هەرێم وتیش؛ مەزەنە باویگ بوی ک باوەت رەدنەکردن بوودجەگە لەوەر گرفتەیل وەگەرد هەرێم بوی، باوجی سوپاس ئەرا خودا راسیەگە کەفتە دەیشت ک ئەیە گرفتەگە نییە بەڵکم گرفتەیلیگ تر هەس و پەلەکردن لەبان بوودەجە ئەرا عراق گرنگە چوونکە کاریگەری خاسیگ لە پێشکەشکردن خزمەتگوزارییەکان ئەرا هاووڵاتییەیل دیرێد.
هەمیش وت؛ هەرێم کوردستان وەشیوەی تەواویگ پابەند وە رێککەفتنەگە بوود ک وەگەرد حکومەت بەڕێز کازمی ئەنجام دریا، و گرفتەگەی ئیسە لەبان بوودجەی هەرێم نییە، و جەخت کرد بایەدە گشتی بزانێد ک ئیمە خوەشحاڵ بویمن ئەگەر ئاوەدانکردن و پێشکەشکردن خزمەتگوزارییەکان ئەرا گشت ناوچەیل عراق بوود، و ئومید خوازیمن بوودجەگە لە پەرلەمان بخریەێدە ری.
