ژنیگ کە خوەی وە پزیشک مناڵەیل ناسانییە لە خەستەخانەی بەغداد کەفێدە دەس هەواڵگێری
2024-05-29T08:04:29+00:00
شەفەق نیوز/ ئاژانس هەواڵگێری و لێکۆڵینەوەی فیدڕاڵی لە وەزارەت ناوخوەی عراق، ئمڕوو چوارشەممە، خەوەردا لە دەسگیرکردن ژنیگ کە خوەی وە پزیشک مناڵان ناسانییە لە یەکیگ لە خەستەخانەیل بەغداد.
لە بەیاننامەیگ رەسیە ئاژانس شەفەق نیوز وت، مفرەزەیل ئاژانس هەواڵگێری تایوەت وە دژەتیرۆر بەغداد/ رەسافە زانیاری وەپیان رەسی ژنیگ هەس خوەی وە پزیشک مناڵان ناسانییە، و هاوڵاتیەیل راگەیان لەناو یەکیگ لە خەسخانەیل بەغداد کارکەێد.
دەسوەجی تیمیگ کارکردنهەواڵگێری و وەدویاچگن مەیدانیانە دروسکریا وە ئەو توومەتە دەسگیرکریا لەدویای وەرگردن رەزامەنی یاسایی دادگا، دیاریکرد رادەس لایەن لێکۆڵینەوەی تایوەت کریایە ئەرا وەرگردن سزای گونجیاگ.
ئاژانس هەواڵگێری داوا لە هاوڵاتیەل کەێد، پێویستە لەمەقەی ئێ جویرە حاڵەتەیلە پەیوەنی وە کڕ گەرم خوڕایی (١٤٤) بکرێد.
