نەجەف.. ٥ تیم ئاگرکوشانەوە لە کپەوکردن ئاگر ناو مۆڵیگ بەشداری کەن

شەفەق نیوز/ تیمەیل وەرگری شارستانی، رویداو ئاگریگ لەناو بینای مۆڵ نوور دوو قاتی لە ناوچەی گەڕەک نەسر لە پارێزگای نەجەف، نیمەڕو ئمڕوو، کپەو کردن.  

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت " وەرگری شارستانی لە نەجەف، پەنج تیم ئاگرکپەوکردن وەگەرد ماشینەیل پاڵپشتی لە تانکەر کل کرد، تا وەردەوام بوون لە تەکان ئاو ئەرا تیمەیل ئاگرکوشانەوە،  و تەواوکردن کار کپەوکردن و سەردەوکردن، تا کارەیلیان وەبی توومارکردن زەرەد گیانی وەگەرد کەمەوکردن زەرەدەیل دارایی ئەنجام بیەن.