ژنيگ لە بەغداد کەفێدە وەر چەقووکاری شویەگەی
باوگ ژنەگە ئەرا میدیایل راگەیانن وت: "دویەتەگەی وەدەس شویەگەی ک لە پارێزگای بەسرە لە دەریاوانی کار کەێد وە چەقوو دریایە لە دەموچەو و سەر و مل و دەسی، یەیش بیجگە لەوە ک سینگ و زگییش وە چەقوو زەخمدار بویە، و ١٠ چەقوو لە یەک دەسی دریایە، و لە ملی زەخمدار بویە و چەقوو رەسیەسە قورژنەکی، و شویەگەی تواستیە لەناو جادە پڕتاڵ وەری بدڕێد.
وتیش؛ دەس لەگیان دویەتەگەی شووردیە و هاوردنەسەی خەسەخانە تا بڕوانامەی مردنی درارن، وەلێ کادرەیل پزشکی رەسینە هاناێ، و نەهیشتنە بمرێد.
لەباوەت هوکار رویداوەگە، باوگی باس کرد کە لە ئەنجام ناکۆکی خیزانییەو بویە کە یە ماوەی فرەیگە وەردەوامە، وتیش؛ وەرجەیە سکاڵا لەبان زاواگەی توومار کردیە دویای ئەوەگ دەسدرویژی لەبانی کردیە.
یەیش دویای چەن رووژیگ تیەێد لە تاوانیگ لە ناوچە خەتیب لە شار شوعلە لە بەغدای پایتەخت، کە مناڵیگ وەناو "موسا وەلا" دویای شکەنجەدان وە چەقوو و کارەبا و وەدەس باوەژنی گیانی لەدەسدا.
