نينوى وذي قار.. اغتيال شاب وانتحار آخر بسبب رفض ذويه تزويجه من "حبيبته"
2023-02-26T11:33:04+00:00
شەفەق نیوز/ دوو سەرچەوەی ئەمنی، ئمڕوو یەکشەممە، خەوەردان لە کوشتن گەنجیگ، و خوەیکوشتن گەنجیگتر، وە دوو رویداو جیاجیا لە پارێزگای نەینەوا و زیقار.
سەرچەوەیگ لە پارێزگای نەینەوا ئەرا ئاژانس شەفەق نیوز وت: چەکدارەیلیگ نەناسریاگ تەقە لە گەنجیگ لە تەمەن ٢٢ ساڵان دویای دەرچگنی لە نماز نیمەڕو لە مزگەفت موتەقی لە قەزای بەعاج، وەکوتپڕ کوشتنەی.
هەرلیوا، سەرچەوەیگ ئەمنی لە پارێزگای زیقار وت: گەنجیگ لە باکوور پارێزگاگە خوەی دادە سێدارە.
سەرچەوەگە ئەرا ئاژانس شەفەق نیوز وت: گەنجیگ لە تەمەن ١٨ ساڵان، وە پەتیگ لەناو ماڵەگەی لە قەزای شەترە باکوور پارێزگای زیقار خوەی هەڵوەسا.
سەرچەوەگە دیاری کرد ک ئەو گەنجە لەوەر ئەوە خوەی کوشتیە ک کەسوکاری رازی نەوین دویەتیگ ئەرای خوازمەنی بکەن، و تەرمەگەی ئەرا پزیشک دادوەری بریا و لێکۆڵینەوە لە رویداوەگە واز کریا.
