نرخ دۆلار لە بەغداد داوەزێدە خوار ١٤٧ هەزار دینار
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، وەردەوام بوی لە داوزینی لە بۆرسەی سەرەکی بەغداد پایتەخت، تا بڕەسێدە خوار ١٤٧ هەزار دینار.
پەیامنێر ئاژانس شەفەق نيوز وت: بۆرسەی کیفاح و حارسیە لە، دایای نیمەڕو ئمڕوو چوارشەممە، رەسیە ١٤٦٧٠٠ دینار عراقی وەرانوەر ١٠٠ دۆلار ئەمریکی، دویای ئەوە ک شەوەکی لەپای نرخ ١٤٧٠٠٠ دینار عراقی واز کرد.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد داوەزی، ک نرخ فرووشتن رەسیە ١٤٧٢٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٦٢٥٠ دینار عراقی.
پەسپۆڕەیلیگ وتن: داودزین نرخ دۆلار لە بازاڕەیل عراق لەوەر چاوەیلیگ لەناو مەردم هاتیە و کەسەیلیگ خوازن قانجاز بکەن.
نویسینگەی ئاڵشتکردن دراو (الواحە) ئەرا ئاژانس شەفەق نیوز وت: ئەو چاوەیلە ک هاناو مەردم ک گوایە حکومەت نوو نیاز ئەرزانکردن نرخ دۆلار وەرانوەر دینار عراقی دیرێد، و هاتێ ئەرا نرخ جارانی بچوودەو ، هیشت خەڵکەگە دۆلار خوەیان بفرووشن ک داواگە لە فرووشتن کەمترەو بوی.
