نرخ تەڵا لە بازاڕەیل بەغدا و هەولێر لە کۆتایی هەفتە

 پەیامنێر ئاژانس شەفەق نيوز وت: نرخ فرووشتن یەک مسقاڵ تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 396 هەزار دینار، و نرخ سەنینی رەسیە 392 هەزار دیناردویکە چوارشەممە 400 هەزار دینار بوی.

پەیامنێر ئاژانسمان وتیش: نرخ فرووشتن یەک مسقاڵ عەیار 21 لە تەڵای عراقی داوەزین توومار کرد لەپای 366 هەزار دینار، و نرخ سەنینی رەسیە 362 هەزار دینار.

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار 21 هالە ناونی 400 هەزار دینار و 410 هەزار دینار، و نرخ فرووشتن یەک مسقاڵ تەڵای عراقی ها ناونی 370 هەزار دینار و 380 هەزار دینار.

نرخ تەڵا لە هەولێر بەرزەوبوی لە بازاڕەیل توومار کرد، ک نرخ فرووشتن یەک مسقاڵ لە تەڵای عەیار 24 رەسیە 469 ، و یەک مسقاڵ تەڵای عەیار 21 رەسیە 410 هەزار و نرخ فروشتن یەک مسقاڵ تەڵای عەیار 18 رەسیە 351 هەزار دینار.