گەندەڵی لە کەرکوک.. یەکێتی داوای دووارە نووڕستن لە پۆست پارێزگار کەێد
شەفەق نیوز/ یەکێتی نیشتمانی کوردستان لە کەرکوک، ئمڕوو چوارشەممە، داوا لە موستەفا کازمی سەرۆک وەزیران عراق کرد، وەچارەسەری زوینەیگ ئەرا پێشیلکاری ئیداری و گرفتەیل گەندەڵی لە کەرکوک، وجەخت کرد لە گرنگی دووارە نووڕستن لە پۆست پارێزگار و کۆتایی هاوردن وە ململانەگان و گرفتە قورسەگان.
جەمال محمد شکور ئەندام یەکێتی و نوێنەر پارێزگاگە ئەرا ئاژانس شەفەق نیوز وت: ئیدارەکردن کەرکوک وە جینشینی، گرفتەیل یاسایی و خزمەتگوزاری و نەتەوەیی لە پارێزگاگا هیشتەجی، وداوا لە کازمی کرد جوولە بکەێد ئەرا کۆتایی هاوردن وەی گرفتەیلە لە گشت چینەگان، ومقەیەتی بەرژەوەنی و شایستەیل گشت نەتەوەگان بکەێد، گونجیاگ بوود وەگەرد ناسکی کەرکوک و رەنگاوڕەنگی چینەگانی ، ک جوور عراقیگ بویچگە.
شکور وتیش؛ بەڵگەی گەندەڵی گەورایگ هادەسمانەو لە کەرکوک، لەری پەیوەندی دەزگای دەسپاکی لە پارێزگاگە، و ریکارەگان دژوە گەندەڵی سیاسیین، و هیچ ئەنجام دیاریگ نەیاشتن.
شکور هەمیش وت: بووشاییە ئیداریەگە لە پشت هەڵوەشانن ئەنجومەن پارێگاگان، و گریەبەسی لاوردن و داناین پارێزگارەگان وەدەس سەرۆک وەزیران، گرفتەیل گەورایگ لە پارێزگاگان هیشتەجی، وەتایبەت لە پارێزگای کەرکوک، وحکومەتەگە هالە وەر گرفتەیل ئابووری وتەندروسی گەورایگ، ک هیشتەی دویرەو بوود لە رەوش پارێزگاگان، و زیانیان لە گرفتەیل وەگشت چینەگانی.
