"ئەنجام وەشکینەیل دەرکەفتن".. تەندروسی زیقار قسەوباسەیل بان گووشت گوراز یەکلایی کەێد
شەفەق نیوز/ - زيقار
فەرمانگەی تەندروسی زیقار، ئمڕوو یەکشەممە، ئەنجام وەشکینەیل ئەو گووشت خەراوبویە دەسوەبانی گیریا راگەیان و چەسپیا کە گووشت گوراز نییە.
فەرمانگەگە لە بەیاننامەیگ رەسیە ئاژانس شەفەق نیوز وت "تیمەیل چەودێری تەندروسی، رووژ جومعە، دەسگردن وەبان بڕ گەپیگ گووشت لەناو یەکیگ لە چێشتخانەیل شار ناسڕیە، لە وەخت یەکیگ ڵە گەشتەیل چەودێریان ئەرا وەدویاچگن پابەندبوین وە تەمێل تەندروسی".
وتیش "لەدویای وەرگردن نمونەیل لە گووشتەگەو کلکردنی ئەرا تاقیگەیل تایوەت لە بەغدا ئەرا ئەنجامداین وەشکینەیل هەوەجەکریاگ ئەنجام وشکنینەیل دەرچگە ئەو گووشتە دەسوەبانی گیریاس گووشت گوراز نییە، باوجی خەراو بویە ئەرا وەکارهاوردن ئایەم نیەپوڕێد.
دەزگا راگەیاننەل، رووژ جومعە، خەوەر دەسگردن وەبان 200 کیلوگرام لە گووشت گوراز لە وەخت هەڵکوتانە بان چێشتخانەیگ بڵاوکردن.
دیاریکرد، سەرۆک تەندرووسی لە ئەنجومەن زیقار ئەحمەد خەفاجی ئەرا ئاژانس شەفەق نیوز دووپاتکرد، ئەو بڕە گووشت تێکچییە کە لەناو یەکیگ لە چێشتخانەیل دەسوەبانی گیریاس، و رەدیکرد کە ئەو بڕە گەوشت گوراز بوود.
رویداوەگە لە وەختیگ بوی کە دۆسیەی فرووشتن گووشت گوراز بویە شوین گرنی فرەیگ لە نەجەف، لەدویای ئەوەگ دادگای تاوانەیل پارێزاگە 14 ئەیلوول سزای دە ساڵ زیندانیکردن ئەرا کابرایگ دەرکرد کە گووشت گوراز فروشتیە.
