پێنتاگۆن: ئەرک "بڕیارداری رپ" لە عراق وە فەرمی کۆتاییهات

شەفەق نیوز- واشنتۆن

وەزارەت وەرگری ئەمریکی "پێنتاگۆن"، ئمڕوو چوارشەممە،  کۆتاییهاتن فەرمی مەشق و کارەیل "بڕیارداری رپ" لە عراق وە لایەن وڵاتە یەکگرتگەیل  و هاوبەشەیل لە هاوپەیمانی ناودەوڵەتی راگەیان.

پێنتاگۆن، لە بەیاننامەیگ کە ئاژانس شەفەق نیوز ئاگاداری بوی، خوەکیشان  رێکخرياگ هێزەیل و کەرەستەیل هاوپەیمانی لە بنکەی ئاسمانی هەولێر کە دیاری کۆتایی هاتن ئەرک سەربازی هاوپەیمانی کەێد لە عراق.

وتش؛ وڵاتە یەکگرتگەیل و هاوبەشەیل وەردەوام بون لە پێشکەشکردن راهێنان دیاریکریاگ و پشتیوانی هەواڵگری ئەرا هاوبەشە عراقییەیل، لە وەختیگ کە چەوەڕێ کریەێد هێزەیل ئەمنی عراقی سەرپەرشتی تەقەلا وەردەوامەیل بگرنە دەس ئەرا دەسەوەرکردن ئارامی وڵاتەگە و وەشوونکەفتن وەجیماگەیل  رێکخریاگ داعش.

ئیە لە وەختیگ تێد کە حکومەت سودانی کاغەز دیاریکردن چەک خسە ناو رێڕەو جیاوازیگ لەڕووی وەختەو لە کیشیانەو هاوپەیمانی، لە 21 ئەیلول/ سێپتەمبەر ئی ساڵە سەرۆک وەزیران پلانیگ راگەیان کە وە قۆناغ ئارامکردنەوەیگ وە ماوەی 90 رووژ دەسوەپیکەێد، لەی ماوەیە گرووپەیل لە ئەنجامدان پەلامارەیل خوەیان بگرن، لە وەرانوەر دەسەوەرکردن ئەوەگ نەکەفنە وەر پەلامارەیل ئەمریکی، وەو مەرجە لەدویای ئەوەگ پرۆسەی رادەسکردن چەک دەسوەپیبکەێم و لە 30 حوزەیران/ ئەیلوول 2027 تەواو بوود.