ئەنبار.. وەخوارکەفتن درۆنیگ ئاگر هیزدەێد لەناو گژوگیا (ڤیدیۆ)
2026-06-20T16:14:48+00:00
شەفەق نیوز ـ ئەنبار
سەرچەوەیگ ئەمنی، ئمڕوو شەممە، خەوەردا لە وەخوارکەفتن درۆنیگ دروسکریاگ ناوخوەیی لە قەزای گورمە لە پارێزگای ئەنبار خوەرئاوای عراق.
سەرچەوەگەوە ئاژانس شەفەق نیوز وت، درۆنیگ وەخوار کەفتیە و هیچ زەردیگ گیانی یا مادی نەداشتیە، دیاریکرد رویداوەگە تەنیا بویەسە مدوو هیزگردن ئاگر لە ناو رووبەریگ گژوگیا.
وتیش؛ تیمیگ وەرگیری شارستانی رەسینەس ئەو شوین رویداوەگە توەنستن ئاگرەگە وە تەواوی کپەو بکەن.
