ئەنبار.. داعش پەنج ماشین شوانەیل لە بن بیاوان سزنێد

شەفەق نيوز/قایمقام قەزای روتبە، خوەرئاوای ئەنبار، ئمڕوو سێشەممە، ئاشکرا کرد کە ئەندامەیل ریخریاگ داعش، پەنج ماشین جویراجویر هن شوانەیل لە شوینیگ بیاوانی دویر وەرەو باشوور قەزاگە سزانن.

عماد ریشاوی ئەرا ئاژانس شەفەق نیوز وت: گرووپەیلیگ لە چەتەی داعش، لە ماوەی 24 ساعەت گوزەشتە، پەنج ماشین هن شوانەیل لە بن بیاوان روتبەی باشوور سزانن، و دیاری کرد کە پەلامارەگە لەو ناوچە بویە کە دویرە لە بنکەیل ئەمنی، و شانەیل ژیروەژیر داعش لەو ناوە هەر ماوەی جاریگ جویلە کەن.

  وتیش: کەسیگ لە رویداوەگە زەخمدار نەوی، وەلێ زەرەد گەورەیگ بوی کە ماشینەیل سزیانە، چوینکە ئەرا ژیانگوزەرانی خاوەنیان گرنگ بوین، وتیش؛ هیزەیل ئەمنی وەردەوامن لە وەشکین و وەشوینکەفتن پەلاماردەرەیل و نواگیریکردن لەیجویرە پەلاماریگ.

 ریشاوی دووپات کرد کە پەلامارەگە رووشنایی خستنە بان گرنگی قایمکردن بڵاوبوین ئەمنی ن خەسەوکردن تەقەلایل هەواڵگری لە بن بیاوان، ئەرا نەهیشنن گلەوخواردن ئی باندەیلە کە شوینە چووڵەیل ئەرا جیوەجیکردن کارەیل تاوانییان وەکار تیارن.