ناڕازییه‌یل چادرەیل مانگردن لە نزیک مەیدان تەحریر لاوەن
2020-07-21T18:41:55+00:00
شەفەق نیوز/ ناڕازییه‌یل لە مەیدان تەحریر، ناوەند خۆپیشاندانەگان لە ناوڕاس بەغداد پایتەخت، ئمڕوو سێشەممە، چادرەیل مانگردنەگان نزیک ژیرگوزه‌ر جادەی سەعدون لاوردن.
پەیامنێر ئاژانس شەفەق نیوز وت: ژمارەیگ لە ناڕازییه‌یل لە مەیدان تەحریر، چادرەگان لاوردن وەتایبەت ئەوانەگ هانە نزیک ژیرگوزه‌ر جادەی سەعدون.
یەکیگ لە خۆپیشاندەرەگان وت: ئامانج لە لاوردن چادرەگان ئەرا مقەیەتی وەناوبانگی شۆڕش تەشرینە، و ئەرا ئەوە ک بەشیگ لە حزب و میلیشیاگان وەکاری نارن و وەگورەی ئامانج خوەیان.
خۆپیشاندەرەگە ک نەخواست ناوی یاد بکریەێد، وت: خۆپیشاندانەگان وەردەوامن وەبی چادر و قەت نێەوسێەیمنەو تا دادوەری وەرپرسەیل بکریەێد و ئەوانەگ فەرمان دان وە کوشتن و جیوەجیی کردن و تەقە و گولە واران خۆپیشاندارەیل، و خوین زیاتر لە ٦٠٠ شەهید رشانن و هەزاران زەخمدار کردن.
