ناوچەیگ عراقی هاژیر هەڕەشەی کەفتنی وەدەس داعش
شەفەق نیوز/ وەرپرسیگ حکومەتی لە سەڵاحەدین، ئمڕوو دووشەممە، هوشداری لە کەفتن فەرمانگەیلیگ حکومەتی لە ناوچەی مەترسیداریگ لە باکوور پارێزگاگە وەدەس ریخریاگ داعش دا، لەوەر نەوین ونەمان هیزە ئەمنیەیلە.
حاتەم تەڵگ شمەری وەڕیەوبەر ناحیەی تیلال باج سەروە قەزای شرقار ئەرا ئاژانس شەفەق نیوز وت: ئیدارەی ناحیەگە وفەرمانگەیل حکومەتیی هانە ژیر هەڕەشەی کەفتنیان وەدەس ئەندامەیل داعش لەوەر چووڵی ناحیەگە لە ئەندامەیل پۆلیس و هیزە ئەمنیەیلە وەتەواوی، هەرچەن ناحیەگە کەفتیەسە بان کڕیگ رخبەر و نزیکەی ٢٠٠ مەتر لە شوین ئەندامەیل داعش دویرە.
وتیش: داعش مینەی دەرفەتیگ لەێد تا پەلامر ناحیەگە بەێد، لە سای ئەو شیوەیل ئەمنی تورتە، و داوا لە سەرکردایەتی پۆلیس سەڵاحەدین کرد ناحیەگە وە ئەندامەیل پۆلیس و ئەو کەرتەیل ئەمنی قایم بکەێد ئەرا نواگرد پەلامارەیل مەرگبار ک هاتێ لە هەر مەوقەیگ باێد.
شمەری دووپات کرد ک تلول باج ئەندامەیل ئەمنی خوازێد تا ریکارەیلیگ ئەدا نواگردن هەڕەشەیل جیوەجی بکەن، و لە مەوقەی گرنگی ئەمنی ریکارەیل قەیەغەی هامشو بکەن، وهوشداری لە کەفتن ناحیەگە وەدەس داعش و کۆنتڕۆڵکردن ریخریایەگە لەبان ری بەغداد- مووسڵ کرد.
