ناسریە وەماوەی ٢٩ ساعەت ٢١٥ مەلیۆن دینار ئەرا مناڵیگ بیمار گردەو کەێد
شەفەق نیوز/ جاریگتر، زیقار کاریگ مەردانە جیوەجی کەێد، ک خەڵکەگەی تەقەلایان ئەرا رزگارکردن یەکیگ لە کوڕەیل شارەگە لەمردن دان، ک توەنستن ٢١٥ مەلیۆن دینار وەماوەی تەنیا ٢٩ ساعەت گردەو بکەن، تا ئەرا دەیشت عراق کلی بکەن لەورا چارەسەر خوەی لەو بیماری مەرگبارە بکەێد، هەرچەن خەرجەگەی ١٠٠ مەلیۆن دینار خوازێد.
محمد مناڵیگە خەڵک ناسریە، هاناو خیزن نەداریگ، ک تویش فەوتان سویە هاتگە، وباوگی ئەو ماتوورسکڵیە فرووشت ک لەبانی نان خیزانەگەی دەرکەێد، ورەسیە فرووشتن کەلاوەگەی.
باوجی خەڵک شارەگە هەنای وەو کارە زانستن، چینە گشت شوینیگ لەناو پارێزگاگە وناوچەگەی، ئەرا گردەوکردن پویل، ک لە ساعەت پەنج ئیوارەی دەی حوزەیران دەسوەپی کرد و لە ساعەت دەی شەو ١١ی حوزەیران تەواو بوی، ک پویلەگە وە ١١٥ مەلیۆنیش زیاتر لە داواگە بوی، ک کابرایگ خوەی تەنیا ١٠٠ مەلیۆن دینار وەخشێد، وهەنای پویلەگە فرەوە بوی، ئەو ١٠٠ مەلیۆنە ئەرا خاوەنی گلەو دریا.
یاسر سیوان یەکیگ لەو کەسەیلە ک وەگەردیان ئەرا ئەو مناڵ بیمارە پویل گردەو کرد ئەرا ئاژانس شەفەق نیوز وت: ئەو هەڵمەتە ٢٩ ساعەت وەپی چگ، و ٢١٥ مەلیۆن دینار لەناوی گردەو کریا، ک یەکیگ لە هاووڵاتییەیل ١٠٠ مەلیۆن دینار دا، وهەنای پویلەگە زیای بوی ئەوە ئەرای گلەو دریا. وتیش: ئەوەسە ئەو کوڕە ئەرا وڵات هیند کلکریەێد تا سویەی ئاڵشت بکەن، وتیش ئیمە تەنیا پەنج رووژ دەرفەت داشتیمن، باوجی وە تەنیا ٣٠ ساعت پویلەگە گردەو کریا.
