ناسریە.. سەرخوەشیگ تەقەی هەڕەمەکی کەێد و زیڕە وە مەردمەگە تیارێد

شەفەق نیوز/ سەرچەوەیگ ئەمنی لە زیقاد، ئمڕوو دووشەممە، خەوەردا ک هێزیگ ئەمنی کابرایگ سەرخوەش دەسگیر کرد دۊیای تەقەکردنی وە شیوەی هەڕەمەکی، و زیڕە هاوردە مەردمەگەی ناسریە. 

سەرچەوەگە ئەرا ئاژانس شەفەق نیوز وت: هاووڵاتییگ سەرخوەش، رخ مردمەگە لە ناوچەی شەرقیە لە ناوڕاس شار ناسریە برد، هەنای دەسکردە تەقەکردن هەڕەمەکی لەبان مەردمەگە لەبان خانی ماڵەگەی،  و هەڕەشە وە وەشانن بومب دا ئەگەر کەسیگ بڕەسێدە دەر ماڵی. 

سەرچەوەگە دیاری کرد ک هێزیگ ئەمنی دویای لاڵکێان مەردم ناوچەگە چگە ناو ماڵ کابرای سەرخوەش، و چەک کلاشینکۆف و بومب دەنگی لەلای بۊی.