ناخاڵەیگ وە چەقوو دەێد لە خانمە مامووسایگ لەناو مەکتەویگ لە موسڵ

شەفەق نیوز/ سەرچەوەیگ ئەمنی لە پارێزگای نەینەوا، ئمڕوو یەکشەممە، خەوەردا خوەنەوار ناخاڵەیگ وە چەقوو دایەس لە خانمە مامووسایگ لەناو مەکتەویگ لە خوەرئاوای موسڵ، دووپاتکرد پۆلیس دەسگیری کردیە.

سەرچەوەگە وە ئاژانس شەفەق نیوز وت "پۆلیس نەینەوا وە دیارکریاگی وەڕێوەبەرایەتی پۆلیس ئوم ئەلرەبیعەین خوەنەواریگ پۆل سێ ناوەندی دەسگیرکردیە کە وە چەقوو دایەس لە ماموساگەی لەناو ئامادەیی حەلەب لە کویچەی تەنک".

سەرچەوەگە ئاشکرایکرد، "مەرافەیگ لەناوەین  خوەنەوارەیل کە یەکیگیان توومەتبارەگەس دروسبویە هنای مامووساگە تەقەلای کپەوکردن مەرافەگە دایە وەلایەن یەکیگ لە خوەنەوار زەخمدارکرێد".

وتیش، مامووساگە ئەرا چارەسەرکردن کلکریا ئەرا خەستەخانە وە مدوو ئەوە چەن چەقوویگ زەخمدار بویە و خوەنەوارە توومەتبارەگە ئەرا لێکۆڵینەوە و چارەنویسی ئەرا لای دادوەر کلکریا".