میوان خوین سەنگینیگ رووژ شەممە سەر لە کوردستان ونۆ شار عراقی دەرکەێد

شەفەق نیوز/ دەزگای گشتی کەشناسی، مەزەنە کرد هەرێم کوردستان و نۆ شار عراقی، بکەفنە وەر خوەڵوتوزیگ ک نیمەڕو رووژ شەممە دەسوەپی کەێد. 

دەزگاگە لە بەیاننامیگ رەسیە ئاژانس شەفەق نیوز وت: مەزەنەیل ئەوە نشان دەن ک وڵاتەگە  دویای نیمەڕو ئمڕوو، کەفێدە نائارامیگ، بوودە هووکار هەڵسیان تەپوتووز و گەردەلویل خوەڵوارین ک لە شار مووسڵ دەسوەپی کەێد.  

وتیش: خوەڵوتوزەگە هەولێر و بەشیگ لە دهۆک و سلێمانی گرێدەو، تا رەسێدە کەرکوک و تکریت و ئەنبار و بەغداد پایتەخت و دیالە و کەربەلا و بابل و بەشیگ لە نەجەف.  

دەزگاگە مەزەنەی بەڵاچە واران لە ناوچەی باکووری، تایبەت ناوچە کویەیلە لەلی کرد، وەتیش؛ خوەڵوتوزەگە ئەرا رووژ یەکشەممە لە ناوچەی باشووری تەواو بوود.