یەکەمین فرؤکە لە فرۆکەخانەی ناودەوڵەتی موسڵ نیشێدەو
شەفەق نیوز/ عەبدولقادر ئەلدەخیل پارێزگار نەینەوا، ئمروو پەنجشەممە، نیشتنەوەی یەکەمین فڕۆکەی تاقیکاریی کڕ ئاسمانی عراقی لە فڕۆکەخانەی ناودەوڵەتی موسڵ راگەیان، کە لە بەغدای پایتەختەو هاتییە یەیش زەمینە خوەش کەێد ئەرا وازکردن فەرمی فڕۆکەخانەگە کە بڕیارە لە ١٠ی ئی مانگە ئەنجام بیرێد.
دەخیل، کە لە بەغدای پایتەختەو وە فڕۆکەگە رەسیبوی، لە بەیاننامەیگ کە وە ئاژانس شەفەق نیوز رەسییە، راگەیان، "رویداوەگە نوێنەرایەتی دەستکەفتیگ گرنگ کەێد لە بەسانن پارێزگاری نەینەوا وە جەهان، دویای ئەوەگ فڕۆکەخانەگە وەپای ستانداردە ناودەوڵەتییەیل ئامادەکریاس کە لەلایەن ڕێکخریاگ فڕۆکەوانی مەدەنی ناودەوڵەتییەو پەسەنکریایە. کە بریتییە لە رێڕەویگ فڕین مۆدێرن و هۆڵیگ پیشکەفتی و تاوەریگ کۆنترۆڵکردن کە وە نووترین تەکنەلۆژیا ئامادەکریاس".
وتیش: ''وازکردن فرۆکەخانەگە وە ئامادەبوین سەرۆک وەزیرەیل محەمەد شیاع سودانی بوود کە مەزەنە کرد فرۆکەگەی لە فرۆکەخانەگە بنیشێدەو، کە یەیش رەنگدانەوەی گرنگیداین حکومەت فدراڵییە وە ژێرخان ئابووری لە پارێزگاگە''.
