کۆمێنتیگ لە فەیسبووک چوودە خوینی ٣ ئاموزا لە بەغداد

شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە کوشیان ٣ کەس ک هەرسگیان ئاموزای یەکن، لەناو مرافەیگ چەکدار لە بەغداد پایتەخت.

سەرچەوەگە ئەرا ئاژانس شەفەق نیوز وت: دوو برا پەلامار ماڵ ئاموزایان لەناوچەی حەمیدیە لە شار سەدر (سەورە) دان، و بویە تەقەکردن لە هەردوگلا، ورەسیە زەخمداری دوو براگە و ئاموزایان.

وتیش: گشتیان دویای رەسینیان ئەرا خەسەخانە گیانیان لەدەسدانە، وتیش: یەکیگ لە برایلە ئەندامە لە ئاژانس هەواڵگری، و ئاموزاگە ئەندامە لە وەزارەت وەرگری.

سەرچەوەگە وت: ئەو جەنگە لەبان کۆمێنتیگ لەبان فەیسبووک نریادەو.