مەلەوانگە گەنجیگ قویت دەێد خوەیکوشتن کەسیگ ترەک لە بەغداد
2024-07-06T06:27:08+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا گەنجیگ 23 ساڵان مەوقەی مەلەکردن لە مەلەوانگەی موهەندسین لە جادەی فەلڵستین خوەرهەڵات بەغدای پایتەخت خنکیاس.
سەرچەوەگە وە ئاژانس شەفەق نیوز وت، رویداواگە دیر وەخت دویەشەو رویدای، دووپاتکرد لێکۆڵینەوە دەسوەپیکریاس ئەرا زانین چۆنیەتی رویداوەگە و هووکار نوقومبوینی.
لە رویداو ترەۆ سەرچەوە ئەمنیەگە راگەیان، گەنجیگ 29 ساڵان، خوەیکوشتیە لەری هەڵواسین خوەی لەناوماڵ لەناوچەی حەمیدیە خوەرهەڵات پایتەخت.
سەرچەوەگە وتیش، تەرم گەنجەگە وەلایەن یەکیگ لە ئەندامەیل خێزانەگەی پەیاکریاس، دەسوەجی خەوەردا هێزە ئەمنیەیل کردیە، پۆلیس وە شوین رویداوەگە رەسیە، و لێکۆڵینەوە وازکریا ئەرا زانین هووکارەیل خوەیکوشتن و بارودۆخەگەی..
