یەکەم قۆناغ لە رێککەفتن شەنگال کەفێدە ئاست جیوەجیکردن
شەفەق نیوز/ حەیدەر شەشو وەرپرس سەربازی لە هێزەیل پێشمەرگە لە قەزای شەنگال، ئمڕوو سێشەممە، دووپاتکرد ک یەکەم قۆناغ لە رێککەفتنەگەی شەنگال لەناوەند شەنگال دەسکریا جیوەجیکردنی، و ئاماژە کرد ک گشت لایەنە چەکدارەگان ئەەەسا لە شارەگە دەرچن، بیجگە یەک فەسیل دیری دانووستان وەگردی کریەێد.
شەشو ئەرا ئاژانس شەفەق نیوز وت: ئمڕوو کۆبونەوەیگ وەگەرد فیرقەی ٢٠ لە سوپا وە ئامادەبوین گشت لایەنە چەکدارەگان کریا، و کۆبونەوەگە رەسیە رێککەفتنیگ لە دەرچگن گشت لایەنە چەکدارەگان لە ناوەند شار شەنگال، بیجگە ئاسایش شەنگال ک تا ئیسە دەرنەچگە، و مەزەنەس ک دویای رەسین وە رێککەفتنیگ بارەگایلی چووڵ بکەێد.
وتیش؛ دوویەم قۆناغەگە لە دویای جیوەجیکردن یەکەم قۆناغ وە دەرکردن گشت لایەنە چەکدارەگان لەناو ناوەندەیل ناحیەگان و کۆمەڵە جینشینەگان دەس کەێدە پی.
شەشو ئاماژە کرد ک هێزەیل ئەیزیدخانە خوەی هێزیگ فەرمیە و بەشیگە لە هێزەیل پێشمەرگە، و ئەرا ماوەی دریژیگە هالە دەیشت شارەگە.
لەلای خوەییش فەریق روکن عەبدولئەمیر شمەری جیگر فەرماندەی ئۆپراسیۆنە هاوبەشەگان وت: فەرماندەی ئۆپراسیۆنەگان خوەرئاوای نەینەوا، شەفەق ئمڕوو، دەسکردە جیوەجیکردن پلان هاوردنەوەی بڵاوبوین هێزە ئەمنیەگان لە ناوەند قەزای شەنگال، ک دابەشکردن ئەرکەگان و وەرپرسایەتیەگان ئەرا چەسپانن ئاسایش و ئارامی و سازکردن زەمینە و کەشوهەوای گونجیاگ ئەرا هاتنەوەی ئاوارەگان ئەرا شوونەیلیان لە قەزاگە کریا.
وتیش؛ ئەوەسا هێزە ئەمنیەگان وەردەوامبوون لە ریکارەیلیان وە چەسپانن تەواوەتی ئاسایش وئارامی لە قەزای شەنگال و کەرتە ئیداریەگان
