میسان.. کوشیان گەنجیگ لە مرافەیگ خیزانی وپەلاماریگ چەکدار لەبان دوکانیگ ئاڵشتکردن پویل

شەفەق نیوز/ سەرچەوەیگ ئەمنی لە پارێزگای میسان، ئمڕوو سێشەممە، خەوەردا لە کوشیان گەنجیگ لەناو مرافەیگ وەگەرد یەکیگ لە کەسوکارەیلی.   

سەرچەوەگە ئەرا ئاژانس شەفەق نیوز وت: گەنجیگ لەناو تەمەن بیس ساڵان، وە چەن دەسە چەقوویگ لەناو مرافەیگ وەرد ئاموزاگەی نزیک ماڵەگەی لە ناوچەی حەی وحدە لەناوڕاس شار عمارە کوشیا.  

سەرچەوەگە وتیش: هووکار مرافەگە لەوەر تەڵاقداین خوەشک قوربانیەگە لەلایەن ئاموزاگەی بویە.  

هەمیش لە میسان،  چەکدارەیلیگ پەلامار دوکانیگ ئاڵشتکردن پویل لەناو بازاڕ گەورەی عمارە ناوڕاس پارێزگای میسان دان. 

سەرچەوەگە وتیش: خاوەن دوکانەگەیش تەقە لە چەکدارەیل کرد ک بویە تەقەکردنیگ لەناو بازاڕەگە، ورخیگ خستە ناو مەردمەگە، وهیمان ئاشکرای قوربانیەلیگ لەی رویداوە نەکریاگە.