مەسجدی: زەریف یەک تەن هاوکاری پزشکی ئەرا عراق هاوردیه
2020-07-19T11:45:55+00:00
شەفەق نیوز/ ئیرج مەسجدی باڵوێز ئیران لە بەغداد، ئمڕوو یەکشەممە، راگەیان وڵاتەگەی یەک تەن هاوکاری پزشکی ئەرا عراق کل کردگە ئەرا نواگردن ڤایڕۆس کۆرۆنا.
مەسجدی لە وتاریگ ئەرا رۆژنامەنووسەیل لە فڕۆکەخانەی ناودەوڵەتی بەغداد لە پێشوازی کردن محمد جواد زەریف وەزیر دەرەوەی ئیران وت: ئیران وەگەرد زەریف یەک تەن هاوکاری پزشکی و تەندروسی ئەرا عراق کل کردگە ئەرا نواگردن کۆڕۆنا. باڵوێزەگە باس ئومید خوەی کرد ک جهان بتوێنێد وەزوی قوتاری بوود لەی پەتا ک دەێد لە گشت گەلەیل جهان، وەتایبەت گەل ئیران و عراق.
مەسجدی ئاماژەدا ک هاوکاری خاسیگ هەس ناوبەین وەزارەت تەندروسی ئیران وعراق لە باوەت دژایەتی کۆڕۆنا، و هەمیش لە به‌شه پزشکیەگان.
