مووڵه‌ت تازه دريا وه‌خاتر دياريكردن كانديد ئه‌را سه‌رۆك حكومه‌ت له عراق
2019-12-20T08:56:18+00:00
شه‌فه‌ق نيوز/ دويه‌شه‌و ديره وه‌ختيگ وه‌رپرسه‌يل عراقى مووڵه‌ت تازه‌يگ ديارێ كردن تا رووژ يه‌كشه‌ممه له‌وه‌ر ناوناين كانديد وه‌خاتر راسپاردنى ئه‌را دامه‌زرانن حكومه‌ت ئاينده، وه‌ل كووتاييهاتن ماوه ده‌ستووريه‌گه.
له‌ى باوه‌ته‌و، سه‌رچه‌وه‌يگ له سه‌رۆكايه‌تى كۆمار وت: ده‌سڵاته‌يل ريككه‌فتنه له‌بان دوياخستن مووڵه‌ت تا رووژ يه‌كشه‌ممه‌ى ئاينده له‌وه‌ر ئه‌وه‌گ جومعه‌و شه‌ممه پشوو هه‌فته‌س له عراق.
جى باسه، يه‌يش له‌وه‌ختيگه په‌رله‌مان دويه‌شه‌و تا ديره وه‌ختيگ نه‌تويه‌نست متمانه بيه‌ێده كه‌سايه‌تيگ تازه ئه‌را وه‌رگرتن پۆست سه‌رۆك وه‌زيره‌يل.
