مووسڵ.. خوەیوەخشەیلیگ ٩٠ مەلیۆن دینار ئەرا دەسمیەتی بیماریگ گردەو کەن
![مووسڵ.. خوەیوەخشەیلیگ ٩٠ مەلیۆن دینار ئەرا دەسمیەتی بیماریگ گردەو کەن](https://media.shafaq.com/media/arcella/1659880401253.jpg)
شەفەق نیوز/ گرووپیگ لە خوەیوەخشەیل لە شار مووسڵ، توەنستن زیاتر لە ٩٠ مەلیۆن دینار عراقی گردەو بکەن، ئەرا بیماریگ نەشتەرگەری چنین ناوک سوخان لە دەیشت وڵاتەگە خوازێد.
ئی پویلە دویای چەن روژیگ گردەو کەیا، هەنای خوەیوەخشەیلیگ ک خوەیان خوەنەوارن لە کۆلیژ ئەندازیاری، لە شوینەیل گشتی وجادەیل مووسڵ وسیان.
بیمارەگەیش خوەنەوارە لە کۆلیژ ئەندازیاری مووسڵ، لاڵکیا ئەرا رزگارکردن ژیانی، ک هیشت دەیان لە خوەنەوارەیل هەڵمەت گەورەیگ وەرجە چەن رووژیگ بخەنە ری، تا رەسیە سەنویق وکیسەیلیگ پڕ لە پویل.
جی باسە ک خەرج جیوەجیکردن نەشتەرگەریەگە رەسێدە ٩٠ مەلیۆن دینار، و ئەو پویلە ک تا ئیسە گردەو کریایە لەوەیش فرەترە.