مه‌رجه‌عيگ ئايينى: جيگيركردن ئاسايش وه هيز سه‌ربازى جيوه‌جى نادێ
له به‌ياننامه‌ى نويسينگه‌ى يه‌عقوبى ك(شه‌فه‌ق نيوز)ئاگادارى بوى ئه‌وه ده‌ركه‌فت ك ناوبرياگ له‌وه‌خت پيشوازيكردنى له خالد عوبێدى وه‌زير وه‌رگرى عراقى و شماره‌يگ له سه‌ركرده‌يل گه‌ورا له نويسينگه‌ى خوه‌ى له نه‌جه‌ف باس له‌وه كرد و وت: چاره‌سه‌ر بار ئاسايشى بايه‌سه گشت لايه‌نه‌يليگ بگرێده‌وه‌و په‌يوه‌نديداره‌يليش له گشت بواره‌يليگ له‌تى به‌شدارى بكه‌ن.
به‌ياننامه‌گه باس له‌وه‌يش كرد ك گه‌ناته‌كارى سيستم سياسى هووكار په‌يابوين ترۆر بويه وه‌ل خراوبوين بار ئابوورى و شيويان بونيه‌ت كومه‌ڵايه‌تى و كزى ره‌وشت ئه‌خلاقى و نه‌ريت ئايينى گشت ئه‌يانه هووكارن ئه‌را شيويان بار ئاسايشى.
جى باسه، يه‌عقوبى جه‌خت له‌بان ره‌ته‌وكردن بڵاوبوينه‌وه‌ى چه‌ك و چه‌كداره‌يليش كرد له شار و ناوچه‌يل و باس له‌وه‌يش كرد ك چه‌ك بايه‌سه وه‌ده‌س حكومه‌ت و ده‌زگايه‌يل فه‌رميه‌و بدێ نه‌ك وه‌شيوه‌يگ وه‌رفراوان ڕى وه‌پى بدريه‌ێد.
