ئەمن عراقی پەرد بوودە ناو کۆمپانیای فۆرێکس لە بەغدا
2023-11-07T16:13:51+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا هەڵکوتانەس بان کۆمپانیایگ "بی مووڵەت" سەنین و فرووشتن پشک و بازرگانیکردن وە پویل بیانی لە بەغدای پایتەخت.
سەرچەوەگە وە ئاژانس شەفەق نیوز وت، " هێزەیل ئەمنی هەڵکوتانەس بان کۆمپانیایگ کارەیل سەنین و فرووشتن پشک و ئاڵشتکردن پویلەیل بیانی (فۆرێکس) کەێد لە ناوچەی مەئموون/جادەی شەواف لە بەغداد"، دیاریکرد "کۆمپانیاگە بی مووڵەتە وەلایەن بانک ناوەندی عراق".
سەرچەوەگە دووپاتکرد " دەسنریایە وەبان 7 لابتۆب 3 توومار و فایل کە گرێبەسە وەرد بازرگانەیل، هەمیش کەسیگ کە لەناو کۆمپانیاگە بویە دەسگیر کریاس".
