ئەمن دەیان کەس گرێد و چادرەگان لە مەیدان تەحریر هەڵگرێد.. وێنە

شەفەق نیوز/ هێزەیل ئەمن عراقی، شەوەکی ئمڕوو شەممە، لە مەیدان تەحریر ناوەند ناڕەزایەتیەگان لە ناوڕاس بەغداد پایتەخت، دەسکردنە گردن دەیان لە خۆپیشاندەرەگاه ک لەلایان داواکریاگن، وهەمیش چادرەگان لە بنچینەو هەڵگردن،
پەیامنێر ئاژانس شەفەق نیوز وت: هێزە ئەمنیەگان، شەفەق ئمڕوو، دەسکردنە وازکردن مەیدان تەحریر لەنوای هاتووچگن، وەگەرد هەڵمەتیگ دەسگیرکردن فراوانیگ رەسیە دەیان لەوانەگ لەلایان داواکریاگن.
وتیش؛ هێزەگان گشت چادرەیل مانگگردنەگان لە بویچگ و گەورایان هەڵگردن، و ئاماژە کرد ک مەیدان تەحریر وناوچەیل دەورگردی بڵاوبوین فراوانیگ ئەرا جوورا جور چینەیل هێزەیل ئەمنی و سەربازی وەخوەی دوینێد.
شەوەکی ئمڕوو، تەقەلایل خزمەتگوزارییەگان لە وەزارت وەرگری و ناوخۆ دەسکرنە وازکردن مەیدان تەحریر ودەورگردی، و جادەیل رەشید و سەعدون، ومەیدان تەیەڕان، و پوڵ جەمهوریە ئەرا هاوردنەوەی رەوشە سروشتیەگەیان.
شانەی راگەیانن ئەمنی لە بەیاننامەیگ وت: جوولەکردنەگە شەوەکەی لە کەرخ تا رەسافە لەبان پوڵ جەمهوریە دەسکردە پی، وهیمان تەقەلا خزمەتگوزارییەگان وەردەوامن.