ئەمن باندیگ بازرگانیکردن وە ئایەم دەسگیرکەێد مەوقەی فرووشتن مناڵیگ لە زیقار
2026-09-22T10:33:24+00:00
شەفەق نيوز- زیقار
سەرچەوەیگ لە ئەمن نیشتیمانی، ئمڕوو سێشەممە، خەوەردا لە پویچەوکردن تووڕیگ تایوەت وە بازرگانیکردن وە ئایەم مەوقەی تەقەلای فرووشتن مناڵەیل وەرانوەر بڕە پویلیگ لەناوڕاس شار ناسڕیە، ناوەن پارێزگای زیقار.
سەرچەوەگە ئەرا ئاژانس شەفەق نیوز ئاشکرایکرد، هێزە ئەمنیەیل توەنستن ئەندامەیل باندەگە دەسگیربکەن کە پێکهاتوین لە پیایگ و دوو ژن مەوقەی تەقەلای فرووشتن مناڵیگ تازە لە داڵگبوی وەرانوەر وە دوو ملیۆن و 500دینار عراقی.
سەرچەوەگە وتیش، دەسگیرکریاگەیل ئەرا بنکەی دەسوەسەرکردن تایوەت کلکریان تو رێکار لێکۆڵینەوە و یاسایی وەرانوەریان بگیریەێدەوەر.
