مناڵیگ رفیاگ لە کەرکوک ئازاد کریا
![مناڵیگ رفیاگ لە کەرکوک ئازاد کریا](https://media.shafaq.com/media/arcella/1650973399935.jpg)
شەفەق نیوز/ هیزەیل پۆلیس لە شار کەرکوک، ئمڕوو سێشەممە، توەنستن مناڵێگ رفیای ئازاد بكەن، و بڕفنەگەی دەسگیر بكەن. بەش راگەیانن پۆلیس كەركوك، لە راگەیاننیگ بڵاو کرد ک : ئەو کەسەگ مناڵەگە رفانیە داوای بڕە پۊلیگ لە کەسوکار مناڵەگە کردیە.
پۆلیس کەرکووک رایگەیانیش: لەو وەختە ک بڕفنەگە تەقەلای وەرگردن پۊلەگد داگە، هیزەیل پۆلیس دەسگیری کردن، ئمجا مناڵەگەیش رزگار کریا.
لە چەن رووژیگ گوزەشتە هەر لە كەركوك دوو گەنج مناڵ ئەفسەریگ رفانن، ئمجا مناڵەگە کوشتن و تەرمەگەی فڕە دانە بان جادسی پشتێنەی شار كەركوك، و هەردوگ گەنجەگەیش دەسگیر کریان.