مناڵيگ له ده‌ورگرد خانه‌قين دوياى رفاننى و كوشتن دايگ و باوگى رزگار كريا
2020-05-12T10:57:56+00:00
شه‌فه‌ق نيوز/ سه‌رچه‌وه‌يگ ئه‌منى باس له‌وه كرد هيزه‌يل ئه‌من و حه‌شد تويه‌نستنه مناڵيگ رزگار بكه‌ن ك داعش دايگ و باوگى كوشتن له ده‌ورگرد قه‌زاى خانه‌قين.
ئه‌و سه‌رچه‌وه ئه‌را شه‌فه‌ق نيوز وت: هيزه‌يل ئه‌منى و حه‌شد له‌وه‌خت گه‌ردين له‌شوون داعشيه‌يل ك تاوان كوشتن كارمه‌نديگ له حه‌شد و هوسه‌ره‌گه‌ى ئه‌نجام دانه، مناڵه‌گه‌يان دينه‌سه‌وه‌و شوونه‌وار خوين وه ده‌مچه‌ويه‌و بويه له ناوچه‌يگ نزيك له شوون رويداگه‌گه له ده‌ورگرد ئاوايى ته‌فرقه له خوه‌رئاواى خانه‌قين.
سه‌رچه‌وه‌گه هه‌ميش وت: ئه‌و مناڵه ته‌مه‌نى نزيكه‌ى 2 ساڵان بويه‌و رزگار كرياگه، وه‌لێ هيزه‌يل ئه‌منى تائيسه ته‌رم ژن و پياوه‌گه نه‌دينه‌سه‌وه‌و گه‌ردين ئه‌را دوينسته‌وه‌يان وه‌رده‌وامه‌و پيشبينى ئه‌وه‌يش ئه‌كريه‌ێد له ده‌يشت سه‌ياره كوشياوێن.
