ئمشەو.. 8 پارێزگای عراق چەوەڕی واران کەن
2025-03-01T13:35:00+00:00
شەفەق نیوز/ شارەزای کەشناسی سادق عەتیە، ئمڕوو شەممە، مەزەنەی واران لە ساعەتەیل ئایندە لە هەرێم کوردستان و بەشیگ لە پارێزگایەیل خوەرئاوا و باشوور بوارێد.
عەتیە لە پۆستیگ لەبان فەیسبووک کە ئاژانس شەفەق نیوز نووڕیەی وت: لە ساعەتەیل ئایندە، دەرفەت واران لە نەینەوا و دهۆك و باکوور ئەنبار و هەولێر و سلێمانی و خوەرئاوای شارەیل بەسرە و سەماوە و سەڵاحەدین هەس.
وتیش: لە رووژەیل یەکشەممە و دووشەممە وارانەیل وسیەنەو، و رووژ سێشەممەی ئایندە وارانیگ ترەک وارێد.
