ئەمریکا پشتگیری لە رێککەفتن وزەی عراقی وەگەرد کۆمپانیای "توتاڵ" کەێد
![ئەمریکا پشتگیری لە رێککەفتن وزەی عراقی وەگەرد کۆمپانیای "توتاڵ" کەێد](https://media.shafaq.com/media/arcella/1689156751914.jpeg)
2023-07-12T10:12:45+00:00
شەفەق نیوز/ وەزارەت دەیشت ئەمریکا، ئمڕوو چوارشەممە، رێککەفتن حکومەت عراقی وەگەرد کۆمپانیای "توتاڵ ئینرجيز" وە گامیگ مەزن وەرەو سەروەخوەیی وزە و قایمکردن ئاسایشی لە وڵاتەگە دادە قەڵەم.
ماسیۆ میلەر قسەکەر وەزارەت دەیشت ئەمریکا لە بەیاننامەیگ وت: پشتگیری لە تەقەلای عراق ئەرا ئەنجامدان سەروەخوەیی وزە و خاسەوکردن پیشکەشکردن خزمەتگوزارییەیل کەیمن.
وتیش: رێککەفتن وزەی عراقی وەگەرد کۆمپانیای "توتاڵ ئینرجيز" گام مەزنیگە وەرەو قایمکردن ئاسایش وزە لە عراق و دابینکردن دەرفەتەیل ئابووری ئەرا گشت عراقیەیل.
لەی دویاییە، وەزارەت نەفت عراق و کۆمپانیای توتاڵ گریەبەسییگ وە ٢٧ ملیار دۆلار واژوو کرد ئەرا چوار پرۆژەی نەفت و گاز و وزەی نووەوبوی.