مردن و زەخمداری 5 مەدەنی وە رویداو هاتوچو لە دیالە
2023-09-14T12:00:25+00:00
شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا لە مردن و زەخمداری 5 کەس وە رویداو هاتوچو لە باشوور بەعقوبە ناوەن پارێزگاگە.
سەرچەوەگە وە ئاژانس شەفەق نیوز وت، دوو کەس گیان لەدەسدانە و 3 کەسیش زەخمداربوی وە لەیەکداین دوو ماشین لە ناوەین ری ناحیەی بەهروز.
وتیش، " تەرم قوربایەیل ئەرا پزیشک دادوەری کلکریا، و زەخمداریەیلیش ئەرا خەسخانەی بەعقوبە بریان تا چارەسەر پێویست وەربگرن".
