مردن و زەخمداری ٨ کەس وە رۊداو هاتوچو لەری کەرکوک- بێجی

شەفەق نیوز/ وەڕێەوبەرایەتی هاتوچو کەرکوک، ئمڕوو پەنجشەممە، راگەیان مردن دوو کەس و زەخمداری شەش کەس وە لەیەکدان  دوو ماشین لە ری کەرکوک- بێجی. 

وەڕێەوبەرایەتیەگە لە بەیاننامیگ رەسییە ئاژانس شەفەق نیوز وت، رۊداوەگە شەوەکی ئمڕوو لە نوان دوو ماشین بۊە، یەکیگیان لە جۊر ئۆپل ڤیکترا سووریگ و ئەوەکەیش جۊر تویوتا هایلندەر چەرمگیگ، لەوەر تونی درە و ئاگادارنەۊن رانندەی ماشینە یەکەمەگە و لەدەس دەرچگنی و لە ری راسەگە دەرچگە و دایە لە ماشینەگەیتر. 

دیاریکرد، ئی ری  یەک جادەس ئەرا هاتن و چگن، وتیش رۊداوەگە بۊیە مدوو مردن دو کەس و زەخمداری شەش کەس.