مردن ئەندازیاریگ و زەخمداری سێیان لە شارەوانی موسڵ وە رویداویگ هاتوچو لە زیارەت چلەی ئیمام حسێن
2024-08-24T10:54:37+00:00
شەفەق نیوز/ ئەندازیاریگ گیانی لەدەسدا و سێ فەرمانبەر لە شارەوانی موسڵ زەخمدار بوین، لە رویداویگ هاتوچو، ئمڕوو شەممە، لەبان ری کەربەلا - نەجەف مەوقەی زیارەتکردن چلەی ئیمام حسێن.
سەرچەوەیگ لە شارەوانی ئەرا ئاژانس شەفەق نیوز وت: ئەندازیارەگە گیانی لەدەسدا و سێ کەس ترەک لەو رویداوە زەخمدار بوین کە مەوقەی بەشداریکردنیان لە خزمەت زیارەتکەرەیل لەلایەن شارەوانی موسڵ لە کەربەلا رویدا.
سەرچەوەگە دیاری کرد کە تیمەگە کەفتە وەر رویداویگ هاتوچو وەرد ماشینیگ بارهەڵگر موزپوب جیوەجیکردن ئەرکەیل خزمەتکردن لە زیارەت چلە.
لە هەفتەی گوزەشتەر عەبدولقادر دخیل پارێزگار نەینەوا راگەیان کە رەنج خزمەتکردن لە نەینەوا بەشداری لە زیارەت چلە کەێد، کە پارێزگاگە ١٢٠ ماشین خزمەتکردن کل کرد.
