مردن مەدەنیگ و گیان لە دەسدان یەکیگتر وە دوو رویداو جیاجیا لە گەرمیان و دیالە
شەفەق نیوز/ دوو سەرچەوەی ئەمنی لە دیالە و گەرمیان ئمڕوو دووشەممە، خەوەردان لە مردن مەدەنییگ وە رویداو تلانن و زەخمداری یەکیگتر وە پەلاماریگ چەکداری لە دەوروگەرد گەرمیان.
یەکیگ لە سەرچەوەیل وە ئاژانس شەفەق نیوز وت، " مەدەنیگ وە رویداو تلانن وەبی مەبەست لەبان ری بەغدا-کەرکوک نزیک ناوچەی غالبیە 18کم باکوور خوەرئاوای بەعقوبە گیان لە دەسدایە".
وتیش"تەرم قوربانیەگە ئەرا فەرمانگەی پزیشک دادوەری کلکریایە، دەسڵاتدارەیل هاتوچو لێکۆڵینەوە لە رویداوەگە وازکردنە".
لە گەرمیان، وەرێوبەر پەیوەندی و راگەیانن پۆلیس گەرمیان موقەدەم عەلی جەماڵ قەدوری لە بەیانیگ وە ئاژانس شەفەق نیوز راگەیان،" چەکداریگ تەقە لە پیاویگ لەداڵگبوی 1979 دانشتگ ئاوای (بنکە) لە قەزای سەرقەڵا کردیە، وە مدووی گێچەڵ کۆمەڵایەتی لەمابەین هەردگ لا".
وتیش" زەخمدارەگە ئەرا خەسخانەی شەهید هەژار لە کەلار کلکریایە، دادگا بڕیار دەسگیرکردن تاوانبارەگە دەرکردیە".
