مردن مناڵیگ "لەنوای ماڵیان بازی کردیە" و رەخمداری 5 مەدەنی وە رویداو هاتوچو لە کەرکوک
2024-07-02T14:39:54+00:00
شەفەق نیوز/ سەرچەوەیگ پزیشکی لە کەرکوک، ئمڕوو سێشەممە، خەوەردا لە مردن مناڵیگ وە رویداو هاتوچوی لە قەزای حەویجە باشوور خوەرئاوای پارێزگاگە، و زەخمداری پەنج مەدەنی لەناویان رانندە تاکسیگ هەس لەرویداویگ ترەک لەبان ری بەغداد ـ کەرکوک.
سەرچەوەگە وە ئاژانس شەفەق نیوز راگەیان، مناڵیگ نۆ ساڵان لە قەزای حەوێجە گیان لەدەسدا هەنای لەنوای ماڵیان بازی کەێد ماشینیگ وە خێرایی دەێد لەلی، بوودە هووکار دەسوەجی گیان لەدەسدانی لە شوین رویداوەگە، وتیش پۆلیس تەرم مناڵەگە ئەرا پزیشک دادوەری کلکرد.
لە رویداویگ ترەک، سەرچەوەگەئاشکەرایکد، لەیەکەوداین لەناوەین ماشینیگ تاکسی و بارهەڵگریگ رویدایە لەبان ری کەرکوک ـ بەغداد نزیک قەزای داقوق باشوور کەرکوک، لە ئەنجام پەنج مەدەنی زەخمداربوین لەناویانیش رانندەی تاکسیەگەس.
زەخمدارەیلە ئەرا خەسخانەی ئازادی کلکریان، پزیشکەیلە توەنستن ژیانیان قورتاربکەن لەرێ فریاکەفتنەیل سەرەتایی پێویست، وەپای سەرچەوەگە.
