مردن مناڵیگ دویای پەلامار پشییگ لە ئەنبار
2021-01-31T07:28:20+00:00
شەفەق نیوز/ سەرچەوەیلیگ خۆجێیی و تەندروسی عراقی، ئمڕوو یەکشەممە، خەوەردان لە مردن مناڵیگ وە پەلامار پشییگ لە شار رەمادی لە پارێزگای ئەنبار.
محسن عەلی، یەکیگە لە کەسوکارەیل مناڵە مردگەگە، ئەرا ئاژانس شەفەق نیوز وت: دوێەکە ئێوارە هەنای پشیەگە مێوو کردە روی مناڵەگە، ک هیشتەی لە رخەو لە هووش بچوود، ئیجا وەزوی ئەرا خەسەخانەی رەمادی بریا، و لەورا دووپات کریا ک لەوەر بەرزەوبوین شەکرەگەی گیانی لەدەس داگە.
