مردن ئەفسانەی زوورانبازی عراقی عەدنان قەسی لە تەمەن ٨٤ ساڵی
2023-09-07T07:51:29+00:00
شەفەق نیوز/ئمڕوو پەنجشەممە، ئەفسانەی زوورانبازی عراقی عەدنان قەیسی لە تەمەن 84 ساڵی کووچ دویایی کرد.
نزیکەیل لە قەیسی لەبان تووڕ کۆمەڵایەتی راگەیانن، زوورانبازە ناودیارەگەی عراق دویەشەو، کووچ دویایی کرد.
وەپای بڕیگ سەرچەوە، دەرچگ هووکار مردن عەدنان قەیسی زوورانباز عراقی ناجیگیری تەندروسی بویە کە بویەسە هووکار مردنی.
دەیان تویت لەبان تووڕ کۆمەڵایەتی "X" (تویتەر ئەوسا) بڵاوکریایە لەباوەت مردنی و دوعای خودا لیخوەشبوین ئەرای کەن وەگەرد سەبووریدان دوسدارەیلی.
هەمیش ماڵپەر جەهانی WWE وەرزشی تایبەت وە زوورانبازی پرسەی کرد و وت وە خوسەوە مردن عەدنان قەیسی راگەێنین، کە لای دوسدارەیلی ناسریاگە وە بێلی وایت وۆلف، شێخ عەدنان قەیسی، جنراڵ عەدنان، لە تەمەن 84 ساڵی.
پێگەی WWE وتیش پرسە و هاوخەمی خوەی ئاراستەی خسزان عەدنان قەیسی و هاوڕێ و دووسدارەیلی کەێد.
