مردن دویەتیگ وە مدوو سزیان لە کەرکوک.. توومەتبارکردن شویەگەی
2026-09-02T08:52:08+00:00
شەفەق نیوز ـ کەرکوک
دویەتیگ 17 ساڵان، ئمڕوو چوارشەممە، گیان لەدەسدا وە مدوو سزیان سەختیگ کە لەوەر رویداو ئاگر وەردانە لەشی بویە و شویەگەی تومەتارکرێد وە ئەنجامدانی لە ناوچەی "شەریکەت تارق" لە پارێزگای کەرکوک.
سەرچەوەیگ پزیشکی وە ئاژانس شەفەق نیوز وت: دویەتیگ ئەرا خەستەخانە هاوریاس کە تویس سزیانیگ سەخت بویە، باوجی لەوەر کاریگەری زەخمداریەگەی گیان لەدڵسدا وەبان تەقەلایەیل ئەرا رزگارکردنی.
وتیش؛ قوربانیەگە وەرجە مردنی شویەگەی توومەتبارکردیە وە ئاگر وەردان لە لەشی وە وەکارهاوردن مادەی نەفت، کە بویەسە مدوو سزیانیگ کوشندە.
دیاریکرد هێزەیل ئەمنی شویەگەی دەسگیرکردن و لێکۆڵینەوە لە چۆنیەتی رویداوەگە وازکریا، و رێکار یاسایی پێویست گرێدەوەر و دۆسیەگەی ئەرا دادگای تایبەت کلکریا.
