سەرچەوەگە وە ئاژانس شەفەق نیوز خەوەردا، ئمڕوو، دوو ژن و پیاویگ گیان لەدەسدانە و سێ کەسیش زەخمداربویە وەلەیەکەوداین دوو ماشین لە ناوبڕ مەدائن لەناوچەی وەحیدە باشوور خوەرهەڵات بەغداد.

سەرچەوەگە دیاریکرد، زەخمدارەیلە ئەرا خەسخانەی نزیکیگ کلکریانە و تەرم قوربانیەیلیش ئەرا پزیشک دادوەری کلکریا و لێکۆلینەوە لە رویداوەگە وازکریا.

هەمیش، لە ناوچەی جەمیلە سەر وە شار سەدر خوەرهەڵات بەغدا، کراکاریگ دلیڤەری لە داڵگبوی 1997 گیان لەدەسدا لە ئانجام رویداویگ هاتوچوی و تلانن وەلایەن ماشین مەدەنیيگ.

وەپای سەرچەوە ئەمنیەگە، خاوەن ماشینەگە دەسگیرکریا و رێکار یاسایی ئەرای گیرێدەوەر.